Kaixo!

Ni Lierni Olano naiz, Beasaingo gazteetako bat. 1999ko Azaroaren 15ean jaio nintzen, hortaz 13 urte ditut. Donostiako hospitalean jaio nintzen, baina txiki txikitatik beasaindarra izan naiz.Zaletasun ugari ditut, horietan nagusiena euskal dantza egitea da, nahiz eta musika ere gustatzen zaidan. Zeharkako xirula ere jotzen dut, Beasaingo musika eskolan eta bertako bandan ere jotzen dut.

 Etxean ez naiz inoiz bakarrik egoten, bi anai baiditut, Ander eta Xabier. Anderrek 16 urte ditu eta Xabierrek berriz 10. Hauetaz aparte, hainbat lehengusu ditut, gehienak ni baina txikiagoak.

Beasain goierriko herririk politena da, biztanle ugariekin, 14000 gutxi gora behera. Beasaingo biztanle gehienak pisuetan bizi gara, nahiz eta baserri gutxi batzuk egon, hauetan normalean edade askoko pertsonak bizi direlarik, baserritarrak.

Beasainen badago lantegi oso ospetsu bat, CAF izenekoa. Bertan lan talde ugaria dago, denak helburu batekin, trenak egitekoarekin. Batzuk trenak egiten dituzte, besteak begiratu ea ondo dauden....

Beasain  izena ere ospetsua da bertako odolkiarengatik, Beasaingo odolkia edo ``Morcilla de Beasain´´ deiturikoa. Hau gehienbat barazki eta odolez egina dago, batzuetan espezie batzuekin ere. Beasaingo eta inguruko herrietako harategi ia guztietan egiten dute hau, jendeari saltzeko eta lehiaketera aurkezteko.

Lehiaketa garrantzitsuenetakoa Beasainen egiten da, Azaroko lehen larunbatean. Bertan harakin askok hartzen dute parte, ondoren, haietako bat garaie aterako delarik.

Nire herrian ere badago aukera euskal dantzak ikasteko, izan ere bi dantza talde daude: ostadar eta aurtzaka, baina bietan garrantzitsuena aurtzaka da, bertara joaten dira gazte gehienak. Bertan irakasle asko daude, baino denetan garrantzitsuena Mikel Sarriegi da, nahiz eta berak umeei klaserik ez eman.

Agur eta hurrengorarte!